जेठ १९, सोमबार — भारतमा दुई दिनदेखिको अविरल वर्षाका कारण आएको बाढी र पहिरोमा परी ३० जनाको ज्यान गएको छ।
भारतीय सञ्चार माध्यमका अनुसार बाढी र पहिरोका कारण असम राज्यका १५ जिल्लामा करिब एक लाख मानिस प्रभावित भएका छन्। असमको ब्रह्मपुत्र नदीसहित १० वटा प्रमुख नदीहरूको जलस्तर वृद्धि भएको छ भनी केन्द्रीय जल आयोगले जनाएको छ।
अविरल वर्षाका कारण असमका १२ जिल्लाका १७५ गाउँ डुबानमा परेका छन्। अत्याधिक वर्षाले गर्दा सडक तथा रेल सेवा समेत अवरुद्ध भएको छ।
