मानपुर, २ जेठ । बढ्दो सवारी दुर्घटना न्यूनिकरण गर्ने उद्देश्यले तुलसीपुर उपमहानगरपालिका १६ नं. वडा कार्यालयको आयोजनामा विद्यार्थीहरुका लागि ट्राफिक सचेतनासम्बन्धी एकदिने अभिमुखिकरण कार्यक्रम आधारभूत विद्यालय लक्ष्मीपुरमा  मंगलबार सम्पन्न भयो ।
तुलसीपुर उपमहानगरपालिका १६ नं. वडाका अध्यक्ष भूपबहादुर के.सी.को अध्यक्षतामा सम्पन्न भएको कार्यक्रममा हेमन्तपुर अस्थायी ट्राफिक प्रहरी कार्यालयका प्रमुख नमबहादुर थापा र ट्राफिक प्रहरी जवान शरद के.सी.ले ट्राफिकको परिचय, ट्राफिकको काम, सवारी ऐन २०४९, दुर्घटना न्यूनिकरण, जेब्राक्रसिङका बारेमा जानकारी दिनुभएको थियो ।त्यसैगरी दुर्घटनाको कारण, बाटो काट्दा अपनाउँनु पर्ने कुरा, वर्तमान् समयमा दुर्घटनाको अवस्था, दुर्घटनामा परी मृत्यु हुने उमेर समूह, साइड काट्ने तरिका, ट्राफिकचिन्ह र यसको प्रयोगको महत्वका बारेमा जानकारी दिनुभएको थियो । सहायक बाटो बाट मूल बाटोमा जाँदा अपनाउँनु पर्ने कुरा, सडक रेखाको परिचय, लेन अनुशासन, सिड बेल्डको प्रयोग तथा महत्व, मापासे लगायतको बारेमा श्रव्य दृश्य तथा प्रशिक्षण विधिबाट जानकारी गराउनुभएको थियो ।
कार्यक्रममा शिक्षक विद्यार्थी गरी करिब दुईसय जनाको सहभागिता रहेको थियो । कार्यक्रममा वडा सदस्य डण्डबहादुर खत्री, रमा भण्डारी समेतको सहभागिता रहेको थियो । कार्यक्रममा विद्यालयका प्रधानाध्यापक तेजबहादुर बस्नेतले ट्राफिक नियमको पालना गर्न सकियो भने दुर्घटना न्यूनिकरण हुने धारणा राख्नुभएको थियो । कार्यक्रमको सहजीकरण वडा सचिव राजेन्द्र के.सी.ले गर्नुभएको पत्रकार शालिकराम मुसाफिरले जानकारी दिनुभयो ।
Advertisements

सम्बन्धित शिर्षकहरुसम्बन्धित लेखकका समाचारहरु

प्रतिक्रिया दिनुहोस

तपाईको प्रतिक्रया लेख्नुहोस
तपाइको नाम टाइप गर्नुहोस