दाङ, २१ असोज । पछिल्लो २४ घन्टामा देशभर थप तीन हजार चार सय ३९ जनामा कोरोना संक्रमण पुष्टि भएको छ । योसँगै देशभर सक्रिय संक्रमितको संख्या २५ हजार सात पुगेको छ ।
यो अवधिमा १४ हजार दुई सय नौजनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ ।
आज ११ सय २६ जना संक्रमित निको भएर डिस्चार्ज भएका छन् । हालसम्म ६८ हजार ६ सय ६८ जना संक्रमित निको भइसकेको मन्त्रालयले जनाएको छ ।
संक्रमित निको हुने दर ७२.९ प्रतिशत रहेको मन्त्रालयका प्रवक्ता डा. जागेश्वर गौतमले बताउनुभयो । संस्थागत आइसोलेसनमा १० हजार पाँच सय ९६ जना र होम आइसोलेसनमा १४ हजार चार सय ११ जना रहेको मन्त्रालयले जनाएको छ ।
Advertisements
