दाङ, माघ १४ । दाङको घोराहीमा रहेको ज्योतिपुञ्ज आवासीय माध्यमिक विद्यालयले आफ्नो २३ औं वार्षिकोत्सव समारोह मनाएको छ । विद्यालय व्यवस्थापन समितिका अध्यक्ष युवराज थपलीयाको सभापतित्व एवं घोराही उपमहानगरपालिका वडा नं. १५ का अध्यक्ष रमेशकुमार पाण्डेयको प्रमुख आतिथ्यता र निजी तथा आवासीय विद्यालय अर्गनाइजेशन प्याब्सन दाङका सचिव आदिम केसीको विशिष्ट आतिथ्यतामा कार्यक्रम भएको थियो ।
वार्षिकोत्सवको अवसर पारेर विद्यालयले मोस्ट हाइजेनिक विद्यार्थीको विधामा यूकेजीका छात्र अमिश खनाल, अनुशासित विद्यार्थीको विधामा कक्षा १० की छात्रा बन्दना पोख्रेल, वेस्ट इङ्लिश प्रमोटर विद्यार्थीको विधामा कक्षा ५ कि छात्रा प्रमिशा टिटुङ, मोस्ट रेगुलर विद्यार्थी विधामा कक्षा ६ का छात्र युगेश पौडेल र स्टुडेन्ट अफ द इअर विधामा कक्षा ७ कि छात्रा अविना पाण्डेयलाई सम्मान अनि पुरस्कृत गरिएको छ । त्यस्तै विद्यालयले वर्ष उत्कृष्ट अभिभावको विधाबाट अभिभावक तारा पौडेल, मोस्ट रेगुलर शिक्षकको विधाबाट एकराज डाँगी र कर्मचारी जुगरी चौधरीलाई सम्मान अनि पुरस्कृत गरेको छ ।
यसैगरी तहगत सर्वोत्कृष्ट हुने विधामा पूर्व प्राथमिक तहबाट यूकेजी कक्षाका आदर्शिखा आचार्य, कक्षा १–४ बाट कक्षा २ का छात्र समर्थ पाण्डेय, कक्षा ५–७ बाट कक्षा ७ का छात्र प्रिन्स पोखरेल बि, कक्षा ८,९ र १० बाट सर्वोत्कृष्ट अंक ल्याउने कक्षा ९ कि छात्र नीति शर्मा र एस.ई.ई. व्याच टपर छात्र मनोज पोखे्रललाई पुरस्कार अनि सम्मान गरिएको छ । त्यस्तै, वार्षिकोत्सवका अवसरमा आयोजित विभिन्न खेलकुद प्रतियोगितका उत्कृष्ट खेलाडी र समूहलाई शिल्ड र प्रमाणपत्रले सम्मान तथा पुरस्कृत समेत गरिएको थियो ।
वार्षिकोत्सवका अवसरमा ज्योतिपुञ्ज आवासीय माध्यमिक विद्यालयले विद्यालयमा कार्यरत सम्पूर्ण शिक्षक कर्मचारीहरुलाई खादा,माला र टीकाले सम्मान गरेकोे छ । त्यस्तै, २३ औं वार्षिकोत्सव समारोहका अवसरमा आयोजित विभिन्न खेलहरुमा उत्कृष्टता हासिल गर्नेे विद्यार्थी, माघ ६ गते सम्पन्न दाङ जिल्ला स्तरीय प्रोफेसनल आइटिएफ तेक्वान्दो प्रतियोगितामा तृतीय स्थान प्राप्त गर्न सफल विद्यार्थी रं वार्षिकोतसव कार्यक्रमका अवसरमा शिक्षकहरुका लागि आयोजीत भलिवल प्रतियोगिता र कुर्सी दौडमा प्रथम हुने विद्यार्थीहरुलाई सम्मान तथा पुरस्कृत गरिएको थियो ।
कार्यक्रमका प्रमुख अतिथि घोराही उपमहागरपालिका वडा नं १५ का अध्यक्ष रमेशकुमार पाण्डेयले पछिल्ला बर्षमा ज्योतिपुञ्जले गरेको प्रगति देख्दा स्कुल पुर्नजन्म पाएको भन्दै ज्योतिपुञ्जको शैक्षिक अभियानले शिक्षा क्षेत्रको विकासमा योगदान पुर्याएको बताउनुभयो । अभिभावक, विद्यालय र विद्यार्थीको समन्वयमा थालिएको शैक्षिक अभियान नै सफल हुने भन्दै उहाँले अब विद्यार्थीहरुलाई शिक्षासँगै सस्कार र कुलतमा लाग्नबाट जोगाउनुपर्नेमा जोड दिनुभयो ।
कार्यक्रमका विशिष्ट अतिथि निजी तथा आवासीय विद्यालय अर्गनाइजेशन प्याब्सन दाङका सचिव आदिम केसीले निजी विद्यालयले राज्यका सवै नीति नियम मान्दै शिक्षा क्षेत्र महत्वपूर्ण योगदान पुर्याए पनि राज्यले निजी विद्यालयहरुलाई सौतेलो ब्यवहार गरेको बताउनुभयो । देशको शैक्षिक उपलब्धि र गुणस्तर कायम गर्न निजी विद्यालयको योगदान उत्कृष्ट रहेपनि यसलाई राज्यले बुझ्न नसकेको गुनासो गर्नुभयो ।
विद्यालय व्यवस्थापन समितिका सदस्य नारायणप्रसाद शर्माको स्वागत मन्तव्यबाट शुरु भएको कार्यक्रममा विद्यालयका प्रिन्सिपल बुद्धिराज अधिकारीले विद्यालयको प्रगति बिवरण प्रस्तुत गर्नु भएको थियो । कार्यक्रममा ज्योतिपुञ्ज आवासीय माध्यमिक विद्यालय प्रालिका अध्यक्ष हेमराज शर्माले संस्थाको आगामी दिनको योजनाबारे प्रकाश पार्नु भएको थियो ।
कार्यक्रममा विद्यार्थीहरु बन्दना पोख्रेल, साजस्वी ढकाल, मनोज आचार्य, सम्मानित अभिभावक तारा पौडेल, पत्रकार गोविन्द खड्का लगायतकाले शुभकामना मन्तब्य ब्यक्त गर्नु भएको थियो । कार्यक्रमको सहजिकरण विद्यालयका कोर्डिनेटर तुल्सीप्रसाद शर्माले गर्नुभएको थियो ।
कार्यक्रममा विद्यार्थीहरुले योग प्रर्दशन, “लत छाडौं जीवन सुन्दर छ” सचेतामूलक नाटक, तेक्वान्दो प्रदर्शनी, विभिन्न भाषाका गीत तथा नृत्य र शिक्षकहरुको समूहगत नृत्य प्रस्तुत गरिएको थियो । कार्यक्रममा विद्यार्थीहरुले तयार गरेका विज्ञान र कला प्रर्दशनी गरिएको थियो । प्रर्दशनीमा प्रथम, द्वितीय र तृतीय हुने विद्यार्थीहरुलाई कार्यक्रममा पुरस्कृत गरिएको थियो । वार्षिकोत्सव समारोहमा अभिभाकहरुको निकै बाक्लो उपस्थिति रहेको थियो ।
