काठमाडौँ, असार ७ । त्रिभुवन विश्वविद्यालय (त्रिवि) का विद्यार्थी तथा प्राध्यापकहरूले अब संघीय अस्पताल तथा चिकित्सा प्रतिष्ठानमा विशेष उपचार सुविधा पाउने भएका छन्। स्वास्थ्य तथा जनसंख्या मन्त्रालय र त्रिविबीच यससम्बन्धी समझदारी भएको हो।
स्वास्थ्य तथा जनसंख्या मन्त्री प्रदीप पौडेल र त्रिविका उपकुलपति डा. खड्ग केसीको उपस्थितिमा मन्त्रालयमा भएको समझदारीअनुसार त्रिविका विद्यार्थी तथा प्राध्यापकलाई उपचार कोषमार्फत ९० प्रतिशत लागत विश्वविद्यालयले बेहोर्ने र बाँकी १० प्रतिशत लाभग्राहीको योगदानमा आधारित रही सेवा उपलब्ध गराइनेछ।
समझदारीमा त्रिविले आफ्ना प्राध्यापक तथा विद्यार्थीहरूलाई स्वास्थ्य बीमामा आबद्ध गराउन प्रोत्साहित गर्ने उल्लेख पनि गरिएको छ।
