दाङ, भदौ २८। विगत केही दिनदेखि बन्द रहेका घोराही उप-महानगरपालिका अन्तर्गतका सामुदायिक तथा संस्थागत विद्यालयहरु आगामी २९ भदौदेखि नियमित रूपमा सञ्चालन हुने भएका छन्।
घोराही उप-महानगरपालिका प्रमुख प्रशासकीय अधिकृत ऋषिराम के.सी.का अनुसार मुलुकमा उत्पन्न विषम परिस्थिति सामान्य बन्दै गएको हुँदा विद्यालयहरुमा पठनपाठन सुचारु गर्ने निर्णय गरिएको हो ।
यसअघि भदौ २४ गतेदेखि पठनपाठन रोकिएको थियो। नगरपालिकाले जनजीवन सहज हुँदै गएकाले सबै विद्यालयलाई निर्धारित मिति (२९ भदौ) देखि पढाइ सञ्चालन गर्न आग्रह गरेको छ।
