कैलाली, २८ फागुन । विगत ८ दिनदेखि आमरण अनशनमा बसेका कैलाली कारागारका २४ जना थुनुवाले अनशन स्थगित गरेका छन् ।
टीकापुर घटनाका आरोपी रेशम चौधरीलाई सांसद प्रमाणपत्र वितरण तथा सपथ खुवाउनुपर्ने लगायतका माग राखेका उनीहरुले स्थानीय प्रशासनसँग चार बुँदे सहमति भएपछि अनशन स्थगित गरेका हुन् ।
कैलालीका प्रमुख जिल्ला अधिकारी गोबिन्द रिजालले जुस खुवाएर उनीहरुको अनशन तोडाएका हुन् ।
कैलाली-१ बाट निर्वाचित भएका रेशम चौधरीको सपथका लागि सम्बन्धित निकायहरुमा जिल्ला प्रशासन कार्यालयले अविलम्व जानकारी गराउने, टीकापुर घटनामा थुनिएकालाई लगाइएका मुद्दा फिर्ता लिन र क्षतिपू्िर्तका लागि १५ दिन भित्र सम्वोधन गरिनुपर्ने सर्त राखेर उनीहरुले अनशन तोडेका छन् ।
१५ दिन भित्र आफ्ना माग पूरा नभऐ पुनः आमरण अनशन गर्ने उनीहरुले चेतावनी दिएका छन् ।
Advertisements
