घोराही,भदाै ६ । घोराही उप-महानगरपालिकाले थारु समुदायको महत्त्वपूर्ण पर्व अट्वारी र तीजको अवसरमा स्थानीय सार्वजनिक विदा दिने घोषणा गरेको छ।
नगर कार्यपालिकाको १७७ औं बैठक (भाद्र २, २०८२) को निर्णय अनुसार, भाद्र ९ गते अट्वारी तथा तीज पर्वको अवसरमा घोराही उप-महानगरपालिका, नगर कार्यपालिकाको कार्यालय अन्तर्गतका सबै कार्यालय, सामुदायिक तथा संस्थागत विद्यालयहरूमा विदा रहनेछ।
घोषणा अनुसार, सम्बन्धित सबै कार्यालय र विद्यालयले यो सूचना अनुसार कार्यसम्पादन गर्ने व्यवस्था मिलाइसक्नु भएको छ।
नगर कार्यपालिकाका प्रमुख प्रशासकीय अधिकृत ऋषिराम के.सी.ले यसबारे जानकारी गराउनु भएको छ।
