दाङ, भदौ ८ । थारु समुदायको मौलिक संस्कृति र परम्परासँग सम्बन्धित महान् पर्व अट्वारी को अवसरमा घोराही उपमहानगरपालिकाले शुभकामना व्यक्त गरेको छ।
उपमहानगरपालिकाका नगर प्रमुख नरुलाल चौधरीले अट्वारी पर्वले समाजमा आपसी सद्भाव, सामाजिक एकता र सांस्कृतिक विविधतालाई बल पुर्याउने विश्वास व्यक्त गर्नुभयो। उहाँका अनुसार अट्वारी पर्व नारीहरूको श्रद्धा, समर्पण र धैर्यताको प्रतीकका रूपमा रहेकोले यसले महिलाको भूमिकालाई अझ सशक्त रूपमा उजागर गर्नेछ।
थारु समुदायले दीर्घकालदेखि जगेरेको मौलिक संस्कृति, परम्परा र सामुदायिक एकताको प्रतीकका रूपमा यस पर्वलाई लिइँदै आएको छ। नगर प्रमुख चौधरीले घोराही बहुजातीय र बहुसांस्कृतिक विशेषताले सम्पन्न भएकाले यस किसिमका पर्वहरूले नगरलाई अझ सुदृढ र समृद्ध बनाउन मद्दत गर्ने उल्लेख गर्नुभयो।
उहाँले अट्वारी पर्वले सबैमा मेलमिलाप, भाईचाराको भावना र सांस्कृतिक विविधताप्रतिको सम्मानलाई बढाउन टेवा पुर्याउने विश्वास व्यक्त गर्दै सम्पूर्ण घोराहीवासी तथा देश–विदेशमा रहेका दिदीबहिनी दाजुभाइहरूलाई शुभकामना दिनुभएको छ।
